Академија ЦЕС во соработка со Регионалниот директорат за национално образование (Kocaeli Provincial Directorate of National Education) од Измит, Турција, во рамките на Еразмус+ програмата успешно реализираше мобилност за 5 возрасни ученици и еден обучувач за возрасни лица.
Учесниците во мобилноста имаа можност да земат учество во четири образовни курсеви, креирани за подобрување на животните вештини и личен развој:
- Работилница за подготвување на чоколадни бонбони, која се разлизираше во централниот директорат за образование на возрасни лица во Измит.
- Работилница за изработување на производи од керамика, која се реализираше во Центарот за образование на возрасни во Голџук (Golcuk Adult Education Center), под менторство на уметникот Џанер Ѓунер.
- Работилница за рачни изработки, реализирана во локалниот Центар за образование на возрасни во Измит и
- Курс по турски јазик – Центар за образование на возрасни во Измит.
Сите учеснички во обуката имаа можност да ги подобрат своите знаења и вештини, да се дружат со локални учесници во образовните курсеви, да се запознаат со културните навики, да разменат искуства и контакти за понатамошна соработка и дружење.
Во рамките на посетата беа разгледани и можности за усвојување на некоја од наставните програми и креирање на нови курсеви во образовната понуда на Академија ЦЕС.
По успешно завршените работилници и обуки, учесничките имаа можност да се запознаат со турската култура, знаменитости и да уживаат во убавините на Турција.
Галерија:
