Координативни состаноци со ЕУ партнери

На 30 Ноември 2020, преку зум платформата, беше одржан третиот координативен состанок, помеѓу партнерите во проектот „Со добра храна до добро расположение! “. Целта на состанокот беше да се интензивира комуникацијата со партнерите од Италија и Португалија, со кои во сложени околности причинети од светската пандемија Ковид 19, се реализраат проектните активности.

Во рамките на проектот „Со добра храна до добро расположение! “ на 7 Мај 2020 (онлајн), Тренинг центарот ЦЕС го одржа вториот координативен состанок со партнерите од Италија и Португалија. Целта на состанокот беше сумирање на имплементираните активности, анализа на влијанието на глобалната пандемија Ковид19 и определување на нова динамика за реализација на проектните активности.

Тренинг центарот ЦЕС, кој што е и коорднатор на проектот „Со добра храна до добро расположение“, поддржан од програмата Еразмус+, во периодот од 12 до 13 декември 2019 година, во Скопје го организираше првиот координативен состанок со партнерите.

Од 13 до 14 јули 2018 година, во Скопје, Тренинг центарот ЦЕС беше домаќин на четвртиот координативен состанок на партнерите од проектот “Семејната писменост функционира! “. Целта на состанокот беше анализа на имплементарните проектни активности и подготовка на активностите за пилотирање на наставната програма за обука на фасилитатор за семејна писменост.

Пред конечното финализирање на проектот „Мрежа на вешти келнери и готвачи-SCAWNET“, во периодот од 12 до 13 јуни 2018, Тренинг Центарот ЦЕС, беше домаќин на состанокот на партнерите од Италија и Португалија.

Во рамките на проектот „Семејната писменост функционира! “, во Банско, Бугарија, во периодот од 20 до 21 октомври, беше одржан третиот координативен состанок помеѓу партнерите. Целта на состанокот беше со организациите од Романија, Бугарија и Словенија, кои се партнери во овој проект, да се следи динамиката на реализација на проектните активности.

Во периодот од 6 до 7 октомври 2017, во Фолињо, Италија беше одржан вториот транснационален состанок од проектот „Мрежа на вешти келнери и готвачи-SCAWNET“. Целта на состанокот беше на средината од имплементацијата на ова двегодишно партнерство на Трениг Центарот ЦЕС, со организациите од Италија и Португалија, да се сумираат резултатите од досегашното спроведување на проектот и да се договорат идните чекори за соработка, со цел успешна реализација на истиот.

Во периодот од 5 до 6 Мај 2017, во Крањ, Словенија се одржа и вториот координативен состанок помеѓу партнерите на проектот „Семејната писменост функционира!“. Целта на состанокот беше евалуација на претходно реализираните активности, сумирање на резултатите од компаративната анализа за состојбите со семејната писменост, која што се изготвуваше напоредно во четири европски држави (Македонија, Романија, Бугарија и Словенија), дефинирање на профил на фасилитатор за семејна писменост и негови компетенции, како и разработка на план за следни активности.

Од 18 до 20 декември 2016, претставници од проектниот тим на Тренинг центар ЦЕС, учествуваа на првиот транснационален состанок, во рамките на проектот „Семејната писменост функционира!“ . Домаќини на состанокот беа партнерите од Клуж, Романија а учествуваа десетина учесници од повеќе европски држави, партнери во проектот. На состанокот беа дадени главните насоки за реализација на проектните активности, определена беше проектната документација и јасно поставени задачите и одговорностите во рамките на проектниот тим.

Во рамките на проектот „Мрежа на вешти келнери и готвачи-SCAWNET“, на 15 и 16 декември 2016 година се одржа првиот транснационален состанок помеѓу партнерите. Целта на состанокот беше координација на проектните активности. Во рамките на истиот беа дефинирани проектните активности, нивната динамика на реализација, задачите и одговорностите на лицата вклучени во реализацијата на проектот, проектната документација, формите и начините на известување, механизмите за следење на реализацијата на проектот и сл. Исто така, на овој состанок беа усвоени планот за дисеминација, како и планот за мониторинг на актвностите.