Обука за слаткар

Слатките отсекогаш биле на менијата на различни угостителски објекти што го прави ова занимање секогаш побарувана на пазарот на трудот.

Од одбраните намирници слаткарот прави и декорира разни слатки и често Ве наведува пред излогот во кој се изложени колачи и други слатки да поминете многу повеќе време во двоумење што да одберете.

Слаткарот треба да ги познава начините на изработка на традициоанлни слатки, но и да ги следи современите трендови во изработка на слатки и да ја прилагодува нивната изработка на денешниот вкус и побарувачката на потрошувачката.

Хигиената на работниот простор и свежината на намирници од кои се подготвуваат слатки се предуслов за квалитетна и успешна работа на слаткарот.

Дозволете на професионалци да се погрижат за Вас и да ви ја дадат потребната обука .

Направете го првиот чекор и пријавете се за оваа обука. Другото е наша грижа.

ЦЕС како дел од програмата Еразмус + спроведува стручни обуки и надвор од земјата, па така голем број кандидати кои поминале обука во ЦЕС имаат можност на посетат напредна обука за готвач, слатка, пекар и сл.во Европска држава како Италија, Португалија, Бугарија, Германија и.т.н  да добијат европски сертификат, да стекнат дополнителни напредни вештини и знаења за овие професии, да разменат интернационално искуство, и со тоа да бидат конкурентни на пазарот на труд и привлечни за работодавците.

Опис на програмата

Програмата  овозможува  работно  оспособување  за  Подготвувач на слаткарски производи-Слаткар и опфаќа стручно теоретски содржини  кои се реализираат во опремен/а училница/кабинет и се во функција на практичната обука која пак се изведува во опремена слаткарска работилница.

По успешното завршување на програмата учесникот ќе се стекне со знаење, вештини и компетенции  за самостојно подготвување на слаткарски производи. Учесникот ќе се оспособи:

• да подготвува и организира сопствената  работа;
• ракува  и правилно користи апарати, уреди, машини и инвентар во слаткарница;
• користи стручна терминологија при работа; применува правила, прописи и НАССР систем за хигиено-техничка заштита при работа ;
• класификува поделба и примена на продукти според потекло;
• применува начини за подготвување производи од слатки теста кои се различни во процес на изработување;
• подготвува десерти со различна техника и процес на работа;
• приготвува кремови, полнила, преливи, глазури од различна област;
• пече и филува пандишпан маси за  изработување торти, мињони, пасти; комбинира начини за подготовка на ситни колачи различни по состав, вкус и изглед; користи рецептури за подготовка на ладни и топли десерти;
• применува рецептури на десерти со темперирана чоколада;
• моделира, декорира и развива креативност при изработување на готови производи;
• комуницира со клиенти и соработници;
• работи во согласност со нормативи и прописи за заштита на работната средина и околина;
• ги познава правата од работен однос и можностите за отворање и водење на сопствен бизнис;
• развива работни, хигиенски навики, одговорност при работа во слаткарница и позитивни ставови кон  угостителската дејност.

По завршувањето на обуката учесниците полагаат завршен испит. Учесниците кои успешно ќе го положат завршниот испит се стекнуваат со сертификат за Подготвувач на слаткарски производи-СЛАТКАР по верифицирана програма.